MARSIYA-SLAAM-SOZ

Jo Pura Na karpayein Wo Wada Na Kareinge

Gar Wada Kareinge to chalawa Na karenge

Aao Ye Ahad Karley Har ek SHAHa.s Ka Azadar

Hum Majlis e SARWARa.s Mein Dikhawa Na Karenge

Shahadat Imam Hassan Al-Askari(a.s)

Gull ho gaya Charagh e Imamat Phir Ek Baar

Mehshar bapa Hai Sara Zamana Hai Ashqbaar

Furqat mein baba jaan ki rotey hain zaar-o-zaar

Pursa Imam e Waqt(a.t.f.s) ko dete Hain Soogwaar

Waa-e-Musibata ki sada Goonjti hai aaj

Haaye Shahadat e Hassan al-askari(a.s) hai Aaj

(kalam: Syed Hasnain Raza-Ranchi)

Shahadat e Imam Syyed e Sajjad(a.s)

Hokar Shaheed Shaam jo aya tha Wo Imam

Jisne Hussayniyat ko bachaya tha Wo Imam

Sajde se jisne sar na uthaya Tha Wo Imam

Jisne Urooj e Sabr Dikhaya Tha Wo Imam

Uskey Har Ek Amal mein mokammal Yaqeen Tha

Zeenat ibadato'n ke Liye Aabedeen(a.s) Tha

(kalam: Syed Hasnain Raza-Ranchi)

**

Hum Apne Dil mein Ghame Karbala Basate Hain

Zaba'n pe Zikre Shahe Karbala Sajate Hain

   Lutaya Jisnae Bhare Ghar Ko Rahe Khaliq Mein

   Unhi Ki Yaad Mein Farshe Aza Bichate Hain.

Wo Khaak Jisme Shefa di HUSSAIN(a.s)key khoon ne

Mayaane Sajda Usi par Jabi'n Jhukate Hain 

(kalam: Syed Hasnain Raza-Ranchi)